Pantun Madura

I. Pantun Agama

 a.) Namen cabbi namen babang Terrong perrat gabay jamo Ajar ngaji ajar bajang Dha’ aherat gabay sango

b.) Nyaba’ lappa neng romana Nyambi assem pamolena Ajja’ loppa dha’ agamana Odhi’ marem ban arena


II. Pantun Baburugan


a.) Ka bajem melle katombar Mano’ poter kaka’ towa Pabajang ba’na se ajar Ma’le penter kalamon towa

b.) Kampong Cena e temor daja Gula palo e romana Pong pong ba’na gi’ dha-ngodha Ja’ malo anya tanya  


III. Pantun se-kaseyan

a.) Acella’ sambi akaca Nyaba’ odheng dhalem petthe Mon mella’ badha e mata Mon meddem badha neng ate

 b.) Dhimma jaradda Cena Etoro’a pendhusana Dhimma jalanna tresna Etoro’a ka disana

 c.) Sello’ Sesser soca mera Eara’a ka ju’ tengga Lolo’ nesser ka se eara Mon atemmo padha bunga

 d.) Terrong kella pathe Juko’na cakalan guring Kerrong ekapathe Mon tak atemmo ekagerring

  IV. Pantun Palenggiran/Loco

        Bengkona kaju klompong Kaju pandha’ gabay tabing Sokona lakar teppang Esanggu jalan se ba’ jelbing
  V. Pantun Serba-serbi


       Lo’ naregga perreng pandha’ Perreng talena ageggeran Lo’ naregga oreng ta’ endha’ Tako’ pamelena lo’ ongguwan.